80

Fletcher/Forbes/Gill. Pirelli (3)

Posted in 60's, alan fletcher, brochure, corporate identity, pentagram, pirelli, typography by desescribir on 24 February 2010

Folleto Pirelli

‘Pattern on progress Pirelli Cintura’

Deseñador por Fletcher/Forbes/Gill en 1962

145×205

Fletcher/Forbes/Crosby. Pirelli (2)

Posted in 60's, alan fletcher, brochure, corporate identity, pentagram, pirelli, typography by desescribir on 23 February 2010

Folleto Pirelli Cinturato

1970

Deseñado por Fletcher/Forbes/Crosby (atribuido)

145×205

Ver post anterior

Fletcher/Forbes/Gill. Pirelli (1)

Posted in 60's, alan fletcher, brochure, corporate identity, pentagram, pirelli, typography by desescribir on 22 February 2010

Tríptico Pirelli

‘Table of cars to which Cintura tyres can be fitted and pressures’

Deseñado por Fletcher/Forbes/Gill en 1962

145×205

Alan Fletcher foi un dos máis destacados deseñadores da segunda metade do seculo XX en Europa. Segundo a súa biografía na páxina do Museo do Deseño de Londres, o seu traballo propón unha síntese entre a tradición moderna europea e a cultura pop americana.

En 1962, despois de completar os seus estudos en EEUU, e dun breve periodo de traballo no departamento de publicidade de Pirelli en Milán, funda en Londres, xunto a Collin Forbes e Bob Gill, o estudio Fletcher/Forbes/Gill. Tres anos máis tarde, incorpórase ao estudio o arquitecto Theo Crosby, conformando así un dos primeiros estudios interdisciplinares capaces de dar unha resposta global e homoxéna ás diferentes escalas do deseño, e máis aínda, facendo certo un dos axiomas da vangarda dos anos 20 proclamados na bauhaus: ‘from teaspoon to city-planning’.

Coa incorporación de dous novos socios en 1972, e seguindo un modo de pensar moi común disa época respecto á práctica do deseño, que entendía o traballo do deseñador como un mediador, como a canle necesaria para facilitar a transmisión dunha comunicación, o estudio pasa a denominarse Pentagram, convertíndose nunha das axencias de deseño máis influintes a nivel internacional e que aínda hoxe se mantén activa.

Máis anuncios e traballos gráficos para Pirelli na magnífica páxina this is display que foi a inspiración para ista entrada.

Rosalía de Castro. Biblioteca general Salvat.

Posted in 70´s, book cover, book design by desescribir on 18 February 2010

Rosalía é o mito poético do século XIX, cunha obra de forte conciencia da dignidade que reclama para o seu pobo.

O número 6 da biblioteca general Salvat ofrece unha escolma da obra da poetisa galega. A identidade desta colección baséase nas distintas combinacións de cor do motivo xeométrico que serve de fondo á tipografía. Pequenas postais de arte concreta. A textura do papel da cuberta aviva a cor e chama polas mans.

Antología. Rosalía de Castro. Biblioteca general Salvat. Salvat Editores e Alianza Editorial. 1971.

Deseño: anónimo. Impresión: gráficas estella. Dimensións: 125 x 185 mm

Jost Hochuli (1). Typotron 15. Typografisches Allerlei

Posted in book cover, book design, brochure, jost hochuli, swiss typography, typography, typotron by desescribir on 16 February 2010

Jost Hochuli

Typografisches Allerlei – und allerlei anderes (mässig gepfeffert) /Variacións tipográficas – e outras variacións (moderadamente atrevidas)

Typotron Heft 15

St. Gallen. 1997

150x240mm

Typotron é unha imprenta da cidade suiza de St. Gallen. Dende o ano 1983 ven editando un caderno anual como regalo promocional para os seus clientes.

Jost Hochuli foi o encargado do deseño dos 17 primeiros cadernos ata o ano 1998. Ademáis, e coa excepción dos números 12 e 13, o propio Jost Hochuli levou a cabo a selección de temas, a edición e a realización dos contidos.

Os cadernos son un inmellorable exemplo de moitas das ideas presentadas nos seus libros sobre tipografía e deseño, nos que o libro se mostra como un obxecto de deseño total, dende a atención ao detalle e o estudo de pequena escala da ‘micro-tipografía’, pasando pola composición dos contidos na páxina, ata chegar aos apectos máis globais do libro como obxecto: formato, papel, encadernación,…

Realmente é un pracer ter entre as mans estes cadernos, feitos non só para ler e para ollar, senón tamén para tocar e para ser gozados con todos os sentidos.

Os seus libros ‘Detail in typography e ‘Designing books: practice and theory‘ (xunto a Robin Kinross), orixinalmente publicados en Suiza pola editorial Niggli, e editados en inglés por Hyphen Press, están traducidos ao castelán e publicados pola editorial valenciana Campgràfic.

Listaxe completa de cadernos editados por Typotron en PDF

Biografía de Jost Hochuli en Hyphen Press.

emil ruder catalogue. typographie. gewerbemuseum basel

typographie.

ausstellung 50 jahre handsetzervereinigung basel.

gewerbemuseum basel. 1960

147 x 210 mm

o catálogo da mostra ‘typographie’, que celebraba o 50 aniversario da asociación de tipógrafos de basilea, fai un percorrido pola historia moderna do deseño tipográfico. o catálogo está divido en catro seccións: 1. Anfänge der erneuerung und jugendstil (inicio da renovación e art noveau), 2. futurism, dada, surrealism, 3. elementare typographie (tipografía elemental ou ‘esencial’?) e 4. gegenwart (presente).

ao longo do catálogo móstranse os traballos de tristan tzara, kurt schwitters, marinetti, el lissitzky, joost schmidt, herbert bayer, piet zwart, emil ruder, karl gerstner, anthony froshaug, entre outros.

segundo se menciona no número especial da revista IDEA, editada en xapón, e adicada a recoller os traballos e escritos de emil ruder, a exposición foi preparada durante un semestre polo propio emil ruder xunto cos seus alumnos.

no propio catálogo figura ademais un texto de emil ruder no que expón, cun estilo directo, e enunciados como pasos dunha receita, xustificado quizáis polo afán pedagóxico que acompañou toda a súa actividade, algúns dos principios básicos que deben guiar unha boa práctica de deseño tipográfico: ‘tipographie als mitteilung und als form’ a tipografía como comunicación e como forma.

o texto, en alemán, atópase traducido ao inglés na revista-libro ‘typography today’ editada por helmut schmid, un dos antigos alumnos de emil ruder.

‘Communication is the proper purpose of typography, and the duty of communication is imposed upon the typographer in the same manner as it is upon the architect and the industrial designer. Typography cannot be released from this duty by any new theory or special consideration. A design for print which cannot be read is sheer rubbish’.

o catálogo foi deseñado polo propio emil ruder, ainda que a cuberta está baseada no poster que para a mesma exposición deseñou o seu colega na escola de deseño de basilea, robert büchler.

poster (flickr Blanka)  +

revista TM. novembro 1960 (flickr unit editions)  +

máis fotos no flickr de 80magazine  +

modernism tradition. siemens. braun

Posted in 30's, 60's, braun, corporate identity, dieter rams, siemens, typography by desescribir on 7 February 2010

carta de ‘siemens’. alemania. 30’s / publicidade ‘braun’. alemania. 60’s

the miracle worker. títulos de crédito. title credits

Posted in 60's, títulos de crédito, tipografía, title credits, type, typography by desescribir on 4 February 2010

chamáronnos a atención os títulos de crédito da película dos anos 60 “the miracle worker”. títulos proxectados, segundo o noso parecer, nos principios da modernidade. a tipografía vai buscando o seu acomodo na fermosa fotografía da película, acompañando e potenciando a composición dos fotogramas. a lectura dos créditos e das imaxes vai da man, de aí a súa beleza e a súa forza visual. mágoa non apareza ningunha referencia ao autor.

the miracle worker. 1962. dirección: arthur penn. guión: william gibson. fotografía: ernest caparros.                           títulos de crédito: anónimo

ficha técnica +

títulos de crédito +

Follow

Get every new post delivered to your Inbox.

Join 41 other followers